وَإِذْ صَرَفْنَا إِلَيْكَ نَفَرًا مِنَ الْجِنِّ يَسْتَمِعُونَ الْقُرْآنَ فَلَمَّا حَضَرُوهُ قَالُوا أَنْصِتُوا ۖ فَلَمَّا قُضِيَ وَلَّوْا إِلَىٰ قَوْمِهِمْ مُنْذِرِينَ
ജിന്നുകളില്‍ നിന്നുള്ള ഒരു വിഭാഗത്തെ നാം നിന്‍റെ അടുത്തേക്ക് ഈ വായന കേള്‍ക്കുന്നതിനായി തിരിച്ചുവിട്ട സന്ദര്‍ഭവും സ്മരണീയമാണ്; അങ്ങനെ അ വര്‍ അതിന് സന്നിഹിതരായപ്പോള്‍ അവര്‍ അന്യോന്യം പറഞ്ഞു: നിങ്ങള്‍ മൗ നം പാലിക്കുക! അങ്ങനെ അത് പൂര്‍ത്തിയായപ്പോള്‍ അവര്‍ അവരുടെ ജനത യിലേക്ക് മുന്നറിയിപ്പുകാരായി പിരിഞ്ഞു പോവുകയുമുണ്ടായി.
മക്കയില്‍ പ്രവാചകന്‍റെ പ്രബോധനം ഖുറൈശികള്‍ ആരും തന്നെ സ്വീകരിക്കാന്‍ തയ്യാറാകാതെ വന്നപ്പോള്‍ പ്രവാചകന്‍ തന്‍റെ മാതാവിന്‍റെ നാടായ ത്വാഇഫിലേക്ക് പ്ര ബോധനം ചെയ്യാന്‍ പോവുകയുണ്ടായി. എന്നാല്‍ ത്വാഇഫുകാര്‍ പ്രവാചകന്‍റെ പ്രബോ ധനം സ്വീകരിച്ചില്ല എന്ന് മാത്രമല്ല, പ്രവാചകനെതിരെ ഗുണ്ടകളെയും റൗഡികളെയും തിരിച്ച് വിട്ട് കൂക്കിവിളിച്ചും കല്ലെറിഞ്ഞും ഓടിക്കുകയാണുണ്ടായത്. അങ്ങനെ ത്വാഇഫില്‍ നിന്ന് നിരാശനായി മക്കയിലേക്ക് തിരിച്ചുവരുമ്പോള്‍ ക്ഷീണിതനും പരവശനുമായ പ്രവാചകന്‍ 'നഖ്ലാ' താഴ്വരയിലെ 'സൈലുല്‍ കബീര്‍' എന്ന സ്ഥലത്ത് രാത്രി കഴിച്ചു കൂട്ടി. രാവിലെ സുബ്ഹ് നമസ്കാരസമയത്ത് ജിന്നുകളില്‍ നിന്നുള്ള ഒരു വിഭാഗത്തെ അല്ലാഹു ഗ്രന്ഥം കേള്‍ക്കുന്നതിനായി പ്രവാചകന്‍റെ അടുത്തേക്ക് തിരിച്ചു വിടുകയും അങ്ങനെ മനുഷ്യരില്‍ നിന്ന് ആരും ഗ്രന്ഥം കേള്‍ക്കാന്‍ തയ്യാറല്ലാത്ത സാഹചര്യത്തില്‍ ജിന്നുകളില്‍ നിന്നുള്ള ഒരു വിഭാഗത്തെ അല്ലാഹു ഗ്രന്ഥം കേള്‍പ്പിക്കുകയും, ഒറ്റ പ്രാവ ശ്യം കേട്ടതോടെത്തന്നെ അവര്‍ അവരുടെ ജനതയിലേക്ക് മുന്നറിയിപ്പുകാരായി പി രിഞ്ഞുപോവുകയും ചെയ്തു. അതായത് അദ്ദിക്ര്‍ ഒരു പ്രാവശ്യം ആത്മാവ് പങ്കെടു ത്ത് ശ്രദ്ധയോടെ വായിക്കുകയാണെങ്കില്‍ തന്‍റെ ജിന്നുകൂട്ടുകാരനെ വിശ്വാസി യാക്കാന്‍ മനുഷ്യന് സാധിക്കുന്നതാണ്. 7: 205-206; 16: 43-44; 39: 23; 72: 1-2 വിശദീക രണം നോക്കുക.